Kerriebotterskorsiesop met room
(8 porsies)

Baie mans trek hulle neuse op vir pampoen. Dis kos vir babas wat krulhare wil hè, glo hulle. Manne, ek het nuus vir julle. Hierdie is 'n ander soort pampoensop. Hy toor met jou smaakkliere. Vra maar vir Zack du Plessis. Hy het so getuig - na sy vyfde bord. Dankie, Shaleen Surtee - Richards vir jou hulp met die resep op Maak 'n Las.

45 ml (3 e) botter

2 hoenderborsies, ontvel en in repe gesny

2 ui, gekap

5 ml (1 t) gekapte knoffel

25 ml Olof Bergh Solera Brandewyn

10 ml (2 t) kerriepoeier

5 ml (1 t) borrie

2,5 ml (1/2 t) neutmuskaat

2 hoenderekstrakblokkies

1 liter kookwater

750 g botterskorsieblokkies

2 aartappels, geskil en blokkies gesny

1 groen appel, geskil en gekap

5 ml (1 t) gemengde gedroogde kruie

sout en peper na smaak

250 ml (1 k) vars rom

vars, gekapte pieter sielie

Metode
Verhit die botter en roerbraai die hoenderrepies en uie 5 minute lank. Voeg die knoffel, bransewyn, kerriepoeier, borrie en neutmuskaat by en roerbraai dit 1 minute lank Los die hoenderekstrakblokkies, aartappels, appel, kruie, sout en peper by. Bedek dit en laat prut dit 45 minutes lank oor matige hitte. Laat dit voeg die room by en roer dit deur, Strooi gekapte pietersiellie oor voor bediening.